Po naszymu-czyli po Śląsku

Wielu satyryków powoływało się na ten wzór przewrotnego polskiego prześmiewcy...
.
javes
PostyCOLON 347
RejestracjaCOLON 26 lis 2007, 20:11

Po naszymu-czyli po Śląsku

Postautor: javes » 02 gru 2007, 15:45

PAN HILARY

Loto, tyro pan Hilary, do dekla mu piere
Bo kajś ten borocek posioł swoi brele.
Szuko w galotach, kabot obmacuje,
Przewraco szczewiki i psińco znajduje.
Bajzel w szranku i w byfyju
Tera leci do antryju.
"kurde" - woła - "kurde bele!
Ktoś mi rombnoł moi brele!"
Wywraco leżanka i pod nią filuje,
Borok sie wnerwio, gnatow już nie czuje.
Sztucho w kafloku, kopie w kredynsie,
Glaca spocona, caly się trzynsie.
Pierońskie brele na amyn kajś wcisnyło
Za oknym już downo blank sie sciymnieło
Do zrzadla coroz zaglondo Hilary-
Aż mu po puklu przefurgły ciary.
Spoziyro na kichol, po łepie sie puko,
Bo znejdły sie brele - te, co tak ich szukoł.
Czy to ni ma gańba? - Powiydzcie sami,
Mieć brele na nosie a szukać pod ryczkami,


NA LIPE

W hyc pod moimi liściami dychnąć se możesz.
Prosza, siednij se tukej, witom cie: Szczynść Boże!
Bo choć słoneczko gynał ze nieba blynduje,
To sie na moich liściach ukrop tyn sztopuje.
Tukej dycki fajnisty wiaterek zawiywo,
A we liściach szpok abo słowik piyknie śpiywo.
Powoniej tyż moje kwiotki. To z nich spijają
Pszczoły, kere potym złociutki miód dowają.
Legnij se tu ku mie! Niych listek mój opowiy
Ci jako bojka, cobyś lepij społ na zdrowie.
Widzisz tera, wiela poradza dać uciechy,
Choć niy rosną na mie jabka ani łorzechy.


UWE I WILLI

Uwe i Willi w jednej stali wili,
Uwe na wierchu, a Wili na dole.
Uwe spokojny nie wadzi nikomu,
a Willi wyrabioł choby we stodole.

To pies, to hazok, ciepał w nim ryczkami,
Gupioł i turpioł, durch trzaskoł dźwierzami.
A kedy szczylać naczął z gazpatronów,
To dymu pełno było w cołkim domu

Uwe sie wnerwił i ślozł na dół do niego
I pado: "Willi, jo nie strzymia tego!"

A Willi na to:
"Co komu do jemu, a jemu do komu,
Ty giździe pieroński, jo jest w swoim domu."

Uwe po gowie poskrobał sie ino,
Poszoł do siebie i coś medytował...

Rano Willi jeszcze na szezlongu chrapie,
Naraz coś z gipsdeki na kichol mu kapie.
Serwał sie Willi, leci ku górze.
Stuk! Puk! Zamknione!!!

Filuje przez dziure:
Her Jezu, cało izba w wodzie,
A Uwe se siedzi z wędką na komodzie.
"Was machts du, Uwe", "Jo se fisza łowie"
"Du bist Idiot, mnie kapie na gowe!"
A Uwe mu na to:
"Co komu do jemu, a jemu do komu,
Ty giździe pieroński, jo jest w swoim domu.




MURZINEK BAMBO


W Africe miyszko Bambo, Murzinek,
Blank czorny, mały lokaty synek.
Czorno mo matka, łojca czornego,
Ujka i ciotka, dziadka i ... kożdego.
Mo piykno chałpa - by ją zbudować
trza mieć patyki, deski i trowa.
Bo przeca lepszyj chałpy nie trzeba
Jak sie rok caly hyc leje z nieba.
Bestoż to nagie są Afrykony
I mało kery je łobleczony.
Bestoż fest dużo se uszporują
Bo czopek, mantli...nic niy kupują.

Bambo Murzinek to mądry synek....
I niy mo w szkole samych jedynek.
Bo sie mądrości wkłodo do gowy
W swyj afrykońskij szkole ze trowy.
W szkole tyj niy ma ławek, tablicy
I gimnastycznyj sali - by ćwiczyć.
Tam wszyscy afrykońscy szkolorze
Mają sie od nos troszyczka gorzyj,
Bo brak im heftów, taszy z książkami,
Bestoż po piosku piszą palcami.
Lecz skuli tego tyż fajnie mają,
Bo im nic do dom niy zadowają!
Jak już Murzinki w szkole głód mają
To przerwa robią i se śniodają.
Ale niy mają tasz ze sznitami,
Ani sklepiku ze kołoczkami.
Głodny Murzinek se w las zaleci,
By se na drzewie fest pomaszkecić.
Może se urwać figi, daktyle
Lub po banany na drzewo wylyźć.
A jak go suszy to zamiast Coli
Na fest sie wielko palma wgramoli,
Kaj sie napije bardzo zdrowego,
Mlyczka z łorzecha kokosowego.

My tu na Śląsku, czy tam daleko,
Za siódmom górą, za siódmom rzeką...
Mieszkają ludzie - kożdy w swym domu
I to niy wadzi przeca nikomu,
Że jedyn jy kołocz a inny daktyle.
Porozmyślej o tym choćby przez chwilę!


WICE

-wyłowione z sieci-



Co to je te suowo "Pjerůn"?
Antek uoskaržyu Franćika skuli uobrazy. Syndva při rozprawje we Sůndce Powjatowym we Tošku: - Skuli čego čujeće śe uobražyńi?".
Antek:
- Francek mje spjerůnowou!
- No, no. Pjerůn u nos to ńy je uobraźliwe přezwisko!
- Jak tak, to žegnej ty pjerůński Syndźo!

Dwje kamratki
Spotykajóm sie po dwudziestu rokach dwje kamratki.
- Ło, Hilda, tyla lot my sie niy widziały, łosprawjej, co tam u Ciebje.
Wjysz co, Maryjko, jo wyszła za mónż, mom trojka dziecków.
Wjysz i niy żałuja tygo kroku.
A na to Maryjka:
- Wjysz Hilda, jo tyż tygo kroku niy żałuja i jako Dwje kamratki niy moga wyjć za mónż.

Dobry szwagjer
Prziloz Alojz do dochtora ze pyskjym łopuchniyntym tak, aże jygo łoczów widać niy bóło.
Dochtor sie go pyto - Alojz, co sie stoło ze twojóm gymbóm?
Alojz mu na to łodpado - Paniy dochtorze łosa!!!
Co łużóndliła? - pyto go dochtor
Niy, szwagjer jóm lopatóm zabjjoł.


lekcyja biologji
Pado rechturka do Zeflika:
- Zeflik, wymjyń mi pjyńć zwjyrzónt mjeszkajóncych we Afryce.
Zeflik myśli i po chwili pado:
- Trzi lwy i dwa elefanty.

spowjydź wielkanocno
Gustla idzie do koccioła na spowjydź i widzi jak Francikowo loto nałokolo kościola.
Francikowo, co wos to pichło, że tak lotocie - pado Gustla.
- Wiecie, we spedzi pedziałach farorzowi, żech figlowała ze mojym starym i za pokuta musza 10 razy lotać we koło kościoła.
Nato Gustla:
- To ida se zaroz po koło.

źródło: http://www.pyrsk.com
Załączniki
DSC00343.JPG
DSC00343.JPG (35.74 KiB) Przeglądany 6620 razy

Wróć do

Kto jest online

Użytkownicy przeglądający to forum: 3 i 0 gości